INDLELA ZOKUHAMBA
| Ekupheleni kwesifundo umfundi kumele enelise uku: |
- Qamba indlela zokuhamba ezitshiyeneyo.
- Veza ubuhle lobubi bendlela yinye ngayinye.
- Qathanisa indlela ebezisetshenziswa endulo lezalamuhla.
|
EZENDULO
- Izolo uhambo bekuludubo olukhulu kakhulu ngoba indawo ezikude bezingafinyeleleki kalula.
- Abantu bebethwala amagabha avuzayo nxa belohambo olude ngoba bekuthatha isikhathi eside ukuthi baze bayefika lapho abalubhekise khona.
- Inengi labantu belisebenzisa inyawo zabo nxa befuna ukuhamba.
- Lokhu bekunzima ngoba umuntu ubephangisa ukudinwa njalo ethatha isikhathi eside ukuthi aze ayefika lapha ayakhona.
- Ngokuya kwesikhathi abantu baqalisa ukusebenzisa izifuyo ezinjengobabhemi nxa belohambo olude.
- Abantu basebesenelisa ukuphumuza inyawo zabo.
- Ngokuya kwesikhathi kwabalenqola.
- Lokhu kwabalunceda kakhulu ngoba abantu basebesenelisa ukuthwala impahla ezinengi.
- Impucuko eyabakhona ngokudlula kwesikhathi yadala ukubakhona kukantshelelezane.
EZALAMUHLA
- Kulezi insuku sokulula ukuthi umuntu ayefika kwenye indawo ngesikhatshana nje.
- Lokhu kwenza ukuhamba kube lula njalo ufike ngesikhathi lapho oyakhona ungathwalanga nzima.
- Ububi balezindlela yikuthi zidla esikhwameni.
- Inengi zazo zihamba ngamafutha athengwayo okudala ukuthi zibelentengo ethize okumele uyibhadale nxa uzigada.
- Okunye njalo yikuthi zilengozi kakhulu, abantu abazitshayelayo kumele babelonanzelelo olukhulu ngoba sebengachitha impilo yabanengi nxa bengaba lobutshapha ekutshayeleni kwabo.
- Indlela zokuhambisa lezi zihamba endaweni ezitshiyeneyo.
- Imota, ibhasi, umdududu lelori kuhamba emgwaqweni.
- Isikepe lomkhumbi kuhamba emanzini.
- Indizamtshina ihamba emoyeni.
- Isitimela sihambe kunjanji esikuthi yisipolo.
- Indizamtshina yiyo ephangisa ukufika kulazo zonke indlela zokuhamba.
- Indlela zokuhamba zalamuhla zigoqela:
| EZALAMUHLA |
| Izimota |
| amabhasi |
| izitimela |
| amalori |
| indizamtshina |
| izikepe |
| umkhumbi |
| umdududu |
