RONDEDZERO YENYAYA INOTSANANGURA

TSUMO

ZVINANGWA: Panopera chidzidzo CHINO mudzidzi anotarisirwa kunge ava kugona:
a) Kunyora rondedzero ine tsumo yaanonzwisisa kana kugona kutsanangura tsumo.
b) Kushandisa zvirungamutauro zvakasiyana siyana pakakodzera.
c) Kuronga pfungwa dzerondedzero zvine hochekoche.

Nguva dzese sarudza tsumo yaunoziva zvainoreva kwete kufungidzira.
Zvinorema kunyora rondedzero kana usina ruzivo rwakakwana pamusoro petsumo yaunenge wasarudza.
Unogona kubika yako nyaya kana kunyora pamusoro pezvaunenge wakambonzwa.
Nguva nenguva paunenge uchinyora zvibvunze kuti uri kupindura tsumo yawasarudza.
Nyaya yaunonyora ngaive ine musoro unofadza kana kusuwisa muverengi.
Unogonawo kukanda zvirungamutauro pano neapo.
Rondedzero iyi ngaive nenhanganyaya, mutumbi nemhedziso.
Kana zvichiita tsumo yawasarudza ngaiwanikwe kunonoperera rondedzero yako. Izvi zvinobatsira kupangidza muverengi kuti zvokwadi wanga uri mugwara mukunyora kwako.