ZVIBATANIDZI

• Zvibatanidzi mazwi anobatanidza zvirevo zviviri kana kudarika kuti pabude chirevo chimwe chete.
• Mhando dzezvibatanidzi ndedzinoti;
• uye
• asi
• nekuti/nokuti
• na-
• ne-
• no-
• zvakare/ zvekare
• uyezve
• nokudaro/nekudaro
• Kana pachishandiswa uye panenge pachibatanidzwa pfungwa mbiri dzinoenderana.

Somuenzaniso;

• Tinotenda akamboenda kuAmerica uye kuEurope gore rapera.
• Kotoro yakapera ndakakunda muzvidzidzo zveChiShona, Svomhu uye neChiRungu.
• Asi anoshandiswa kuratidza rimwe divi renyaya kana kusiyana kwepfungwa mumutsara mumwe chete.

Somuenzaniso;

• Ndinoda kuenda kumusha asi handifariri kuenda kumunda.
• Ndaifanira kuenda kuGweru svondo rakapera asi ndakazonzwa shoko renhamo rakabva kumusha
• Izwi iri rinoshanda mumutsara kana munhu achida kutsanangura chinhu.

Somuenzaniso;

• Ndakafamba rwendo rwakareba netsoka nokuti bhazi harina kuuya.
• Handina kuenda kuchikoro nezuro nekuti musoro wangu wairwadza.

• Chibatanidzi chokuti /na-/ chinoshandiswa kuratidza panenge paitika chinhu nekuti munhu anenge asina kuzviita oga asi azviita nevamwe.

Somuenzaniso;

• Ndakatamba bhora naTatenda.
• Ndakadzidza naFarai kumusha.
• VaShumba vakaenda naTinotenda kunhamo nezuro.
• Ropafadzo akarwa naKudakwashe nezuro vari kumombe.

• Chibatanidzo /na-/chinofambirana nenhoredzera;
• ne-
• no-

Somuenzaniso;

• Tiritose aenda kunovhima nembwa yake inonzi Machena.
• Anofarira kudya sadza nomukaka.

• Chibatanidzi chokuti zvekare chinoshandiswa kuwedzera imwe pfungwa pane zvinhu zvinenge zvataurwa.

Somuenzaniso;

• Tinotenda mwana anogona chikoro zvakare mwana anoteerera vabereki vake.
• Ndakashanyira sekuru vangu kumusha zvekare ndikanoona tete vairwara.

• Chibatanidzi chokuti uyezve chinoratidza kuti kubva pane zvambotaurwa, pane zvimwe zviri kuda kuwedzerwa.

Somuenzaniso;

• Tatenda ane marambadoro uyezve haagone kuzvibata.
• Charakupa anoda kudya sadza nenyama yehuku uyezve michero yemusango.

• Nokudaro inoshanda kuratidza kuti sei zvinhu zvaitika.

Somuenzaniso;

• Imbwa yakaba chimukuyu mumba nokudaro yakarohwa zvakaipisisa nemuridzi wayo.
• Rwendo rwuno handina kuverenga chaizvo nekudaro ndakatadza bvunzo dzekupera kwegore.